我的故鄉@ 大武山文學創作協會的部落格:: 痞客邦 | 非營利組織網
![我的故鄉@ 大武山文學創作協會的部落格:: 痞客邦](https://i.imgur.com/9pCpbOd.jpg)
萬丹就佇屏東縣較欲倚中心的所在,佇三百外冬前,咱的先民留落來一句話:「屏東較早是阿猴,萬丹是街仔頭。」是按怎講「萬丹是街仔頭」咧?因為萬丹是上早 ...
![我的故鄉@ 大武山文學創作協會的部落格:: 痞客邦](https://i.imgur.com/9pCpbOd.jpg)
我的故鄉 / 劉佩桂
若準講有一日,我去到國外,搪著一个鼻仔啄啄啄、目睭濁濁濁的「阿啄仔」,問我的故鄉佇佗位?我會真驕傲共伊講:「我的故鄉佇臺灣,臺灣就像一粒蕃藷,土地無蓋闊,毋過因為𠢕生湠,四界攏有蕃藷仔囝,我就是上有福氣的臺灣人啦!」毋若按呢,我閣會順紲邀請伊來咱臺灣踅踅看看咧:咱臺灣美麗的風景四界攏有底看,阿里山、日月潭、澎湖、蘭嶼佮小琉球,有懸山、有平洋,上山看山景,坐船看海湧,閣有彼號電腦科技嘛是世界第一等。啊若講著水果是滿滿是,一年四季予你食袂離,有這款的好所在,絕對欲予彼阿啄仔呵咾咱台灣是世界的『Number One』啦!
啊若是今仔日在座的好朋友問我的故鄉佇佗位?我欲來共各位介紹講我的故鄉佇萬丹。萬丹就佇屏東縣較欲倚中心的所在,佇三百外冬前,咱的先民留落來一句話:「屏東較早是阿猴,萬丹是街仔頭。」是按怎講「萬丹是街仔頭」咧?因為萬丹是上早有成做一條街仔予人做買賣的所在,其他附近鄉鎮的發展,攏比萬丹差不多慢有七、八十冬,毋才講「萬丹是街仔頭」。毋但按呢,萬丹的鯉魚山會滾水,阮遮的人攏叫伊做「滾水仔山」,媽祖會承炸彈展神威,閣有彼號老教堂的耶穌、萬安古地的土地公佮街後的上帝公,眾神攏總會來鬥保庇,所以萬丹是一塊大福地啦!
人講:「福地福人居,福人是居福地」,講著萬丹的鄉親,人人骨力閣拍拚,合齊閣仝心,所以萬丹的土地會出黃金。無啦!我的意思是講萬丹的土地上有肥,種出來的稻仔飽穗閣粒粒圓,四時的菜蔬、水果滿滿是,啊若名聲對臺灣尾衝甲臺灣頭的就是紅豆,講著紅豆這號物,無論是老大人抑是囡仔嬰,人人攏嘛會食得;上重要的是,萬丹的紅豆,囡仔來食快快大,老人來食助消化,而且根據醫學的研究:紅豆補氣兼補血,你看阮萬丹人紅膏赤蠘有元氣,攏嘛靠紅豆這一味,所以毋才講萬丹是紅豆的故鄉。
最後,我欲講的是:有臺灣,才有我美麗的故鄉、美麗的家園,嘛才有幸福...
機構資訊:屏東縣大武山文學創作協會 | 非營利組織網
屏東縣大武山文學創作協會成立大會 | 非營利組織網
大武山文學會籌備簡章 | 非營利組織網
山海屏東系列--渡海@ 大武山文學創作協會的部落格:: 痞客邦 | 非營利組織網
我的故鄉@ 大武山文學創作協會的部落格:: 痞客邦 | 非營利組織網
屏東縣大武山文學獎作家作品集徵稿起跑– 屏東時報電子報 | 非營利組織網
大武山文學獎、作家作品集徵稿起跑 | 非營利組織網
屏東縣大武山~文學獎、作家作品集即日起開放徵件 | 非營利組織網
屏東縣政府「第19屆大武山文學獎」開始了-花蓮縣文化局 | 非營利組織網
![](https://i.imgur.com/9pCpbOd.jpg)
屏東縣大武山文學創作協會統編是多少?統一編號:40940423
組織名稱:屏東縣大武山文學創作協會統一編號:40940423所在縣市:屏東縣異動日期:1040904異動原因:申請設立登記